Em i Bilong Olgeta Man

“DISPELA liklik buk yupela i wokim God i Laik Yumi Mas Mekim Wanem?, em i gutpela liklik buk tru. Tru mi gat 10-pela krismas tasol, tasol mi inap kisim gut tok bilong en, na i no hatwok long kaunim. Mi kaunim i go i go na taim mi kamap long laspela stadi, em stadi 16, pastaim mi no laik kaunim, long wanem, mi laikim tru dispela liklik buk. Mi laik bai i gat sampela tok moa long en.”

Dispela liklik buk yu lukim skin bilong en ol i kamapim long piksa hia, ol i no wokim bilong ol pikinini tasol. Tasol ol tok bilong en i klia na i no hatwok, olsem na ol pikinini tu i ken kisim save long ol bikpela as tok bilong Baibel, na ol pasin God i laik bai yumi mas mekim. Na liklik buk i bekim sampela askim olsem: Yumi mas ting olsem wanem long tok giaman? I stret long pilai laki? I gat rong long dring spak? I stret long man na meri i no marit i slip wantaim?

Sapos yu raitim pas long IBSA, Box 636, Boroko, NCD 111, Papua New Guinea, o long wanpela atres long pes 5 em i stret long yu, orait mipela bai amamas long salim long yu dispela liklik buk i gat 32 pes, God i Laik Yumi Mas Mekim Wanem?, no gat pe. I gat 16 stadi long en bilong mekim olsem wanpela Baibel-stadi kos. Het-tok bilong sampela stadi i olsem, “Wanem Laik Bilong God Long Dispela Graun?,” “Kingdom Bilong God Em i Wanem Samting?,” “Famili Em God i Ken Amamas Long En,” na “Ol Pasin God i Nolaik Tru Long En.”

□ Salim long mi liklik buk God i Laik Yumi Mas Mekim Wanem? Mi putim ol stem inap 50 toea insait long pas, olsem pe bilong baim dispela liklik buk.

□ Plis, toksave long mi long olsem wanem mi ken kisim Baibel-stadi, no gat pe.