“Tok Bilong En i Gutpela Tru!”

Olsem wanem ol yangpela i ken painim gutpela as bilong i stap bilong ol, na save gut long ol yet, o lain long pas gut wantaim papamama? I no longtaim i go pinis brens-ofis bilong ol Witnes Bilong Jehova long Spen i kisim wanpela pas i tok:

“Mi raitim dispela pas, long wanem, mi laik tok amamas tru long yupela long gutpela wok yupela i mekim long kamapim ol gutpela buk, olsem buk i gat het-tok, Sampela Askim Bilong Ol Yangpela​—⁠Ol Gutpela Bekim. Tok bilong en i gutpela tru! Mi laik tok amamas long ol man i raitim na wokim dispela buk; ol i inapim laik bilong planti tausen yangpela.

“Mi wanpela meri i gat 21 krismas na bipo mi painim rot na stadi long Baibel. . . . Long rot bilong wanpela pren, mi kisim dispela buk Sampela Askim Bilong Ol Yangpela​—⁠Ol Gutpela Bekim.

“Pastaim mi ting dispela buk i no inap helpim mi, tasol isi isi laik bilong mi long kaunim dispela buk i wok long kamap. Dispela buk i kirapim mi long tingim planti samting, olsem mi mas mekim wanem long i stap bilong mi, na isi isi em i bekim ol askim bilong mi. Dispela gutpela buk i helpim mi long pilim gut tingting bilong papamama bilong mi, na lusim rong bilong narapela, na stap olsem wanpela meri tru na mekim pasin olsem meri tru.”

Sapos yu laik ol tok bilong buk Sampela Askim Bilong Ol Yangpela i helpim yu, yu ken kisim wanpela sapos yu raitim nem na atres long hap daunbilo na salim i go long atres i stap long en o long atres i stap long pes 5 bilong dispela nius.

□ Salim wanpela buk Sampela Askim Bilong Ol Yangpela​—⁠Ol Gutpela Bekim long mi.

□ Plis, toksave long mi long pasin bilong kisim Baibel-stadi i no gat pe.