Smok Bai Kilim i Dai Planti Man Long India na Saina

WANPELA MAN LONG INDIA I RAITIM DISPELA STORI BILONG KIRAP!

WOK bilong pasim ol man long kamapim ol toksave bilong baim smok, na wok bilong skulim ol man long ol samting nogut smok i save mekim long bodi i go bikpela long ol kantri long hap bilong Wes. Olsem na ol bikpela kampani bilong wokim smok ol i kirap salim smok long ol kantri long hap bilong Is bilong ol i ken baim. Wanpela lain em beng (World Bank) i helpim ol long skelim dispela samting, ol i tok, taim yia 2010 i kamap, inap wan milion manmeri long Saina bai dai long smok long olgeta yia. Wanpela nius (British Medical Journal) i tok, inap olsem 100 milion manmeri long Saina i no winim yet 29 krismas ol bai dai long ol samting smok i kamapim.

Lain Wol Helt Oganaisesen i tok, olsem long Saina​—klostu wan bilion manmeri i sindaun long India​—namba bilong ol man bai kisim “ol bikpela sik em smok i as bilong en” bai go antap tru. Ol ripot i tok, long olgeta yia, inap 20 milion samting pikinini long India ol i kirap long smok. Wanpela man long Saut India em i bin smok olgeta taim inap planti yia. Em i raitim pas long lain bilong wokim Kirap! bilong tok tenkyu long wanpela stori long nius i bin helpim em na em i lusim smok olgeta. Em stori “Yu Inap Lusim​—⁠Mipela i Lusim Pinis!” long Kirap! bilong Februeri 8, 1999.

Yu inap kamapim wanem ol as bilong helpim man na em i ken lusim smok? Sampela gutpela tok bilong kirapim tingting bilong man i stap long pes 25 bilong liklik buk i gat 32 pes long en, God i Laik Yumi Mas Mekim Wanem? Yu ken kisim dispela liklik buk, sapos yu raitim nem na atres long hap daunbilo na salim i kam long atres i stap long en o long atres i stret long yu em i stap long pes 5 bilong dispela nius.

□ Salim wanpela liklik buk God i Laik Yumi Mas Mekim Wanem? i kam long mi.

□ Plis, toksave long mi long pasin bilong kisim wanpela Baibel-stadi i no gat pe.