Man i No Bilip Long God i Painim Bekim Bilong Ol Askim Bilong Em
“OL STORI long Wastaua na Kirap! i narapela kain stret! Ol nupela nius i pulim tru tingting bilong mi! Ol i bekim planti askim na helpim tingting na bel bilong mi i stap isi.”
Em tok bilong wanpela man bilong hap saut bilong India. Em i kamap long lotu Hindu, tasol papa i skulim em long no ken bilip long God. Em i tok: “Mi ting ol samting i gat laip i no gat as bilong en. Tok bilong Darwin long evolusen i olsem tok kranki long mi. Na inap planti yia mi bin tingim tingim sampela askim, olsem God em i husat? Bilong wanem ol pasin nogut i pulap long graun? Yumi save go we bihain long yumi dai? Ol spirit nogut i stap tru o nogat?”
Dispela man i kisim bekim bilong ol askim bilong em long Wastaua na Kirap!, olsem na em i kisim sabskripsen bilong dispela tupela nius, na em i salim sabskripsen olsem presen long sista bilong em, na nau em i save givim ol nius long ol man em i save bungim. Em i man bilong kisim poto na wokim piksa, olsem na em i kamapim amamas bilong em long ol gutpela piksa i stap long ol dispela nius. Ol piksa yet i “tokaut olsem em ol gutpela nius.” Sapos yu kaunim ol dispela gutpela nius, yu ken stap olsem planti milion manmeri long olgeta hap, em ol i painim pinis bekim bilong ol askim bilong ol na nau tingting na bel bilong ol i stap isi.
Sapos yu laik kisim sampela save moa long God na long ol samting em i laik mekim bilong helpim yumi, mipela bai amamas long salim long yu wanpela liklik buk i no gat pe na mipela i bin tilim long planti man. Em: Tru God i Save Tingim Yumi? Raitim nem na atres bilong yu long hap pepa i stap daunbilo na salim i go long atres i stap long pes 5 em i stret long yu.
□ Salim long mi liklik buk Tru God i Save Tingim Yumi?
□ Plis, toksave long mi long olsem wanem mi ken kisim Baibel-stadi, no gat pe.
[Ol Piksa Kredit Lain long pes 32]
PES 1, pes 2-9 na 32: Einstein: U.S. National Archives photo; Model-T Ford: From the Collections of Henry Ford Museum & Greenfield Village; Great Depression: Dorothea Lange, FSA Collection, Library of Congress; Nicholas II and family: From the book Liberty’s Victorious Conflict; League of Nations building: U.S. National Archives photo; Churchill: The Trustees of the Imperial War Museum (MH 26392); Battleship: U.S. Navy photo; Atomic bombs: USAF photo; Gandhi: Culver Pictures; Man on the moon: NASA photo; Pollution: Godo-Foto; Mao Tse-tung: Culver Pictures; African children: FAO photo/F. Botts; Statue of Lenin: Juraatis/Sipa Press; Space shuttle: NASA photo; Archduke Ferdinand: From the book The War of the Nations; Lenin: Musée d’Histoire Contemporaine-BDIC