“Mi Laikim Pasin Bilong En Long Raitim Ol Stori”
Em tok wanpela yangpela wokman bilong wanpela bisnis long Yakatan, Meksiko, em i mekim long pasin bilong Kirap! long kamapim ol stori. Long pas em i raitim, em i tok wanpela Witnes wanwok bilong em i bin givim Kirap! long em long wanpela kampani bilong salim ol insurens em tupela i wok long en.
Em i tok olsem long Kirap!: “Em i kamapim planti gutpela save na tok bilong en i tru. Mi laikim pasin bilong Kirap! long raitim ol stori, em i no helpim wanpela lain politik na em i no save litimapim sampela man i winim ol narapela. Mi bin kisim save long ol rot bilong stretim ol hevi taim mi kaunim dispela nius. Dispela nius i save kirapim tingting, na tok bilong en i stret tasol, na em i save stori long ol samting i wok long kamap, na em i gat planti gutpela tok bilong helpim ol man. Mi salim bikpela tok amamas bilong mi long yupela!”
Sampela yia i go pinis Kirap! i skelim ol hevi man i mas karim taim wanpela long famili i dai. Bihain ol i raitim gen ol dispela stori na wokim wanpela liklik buk nem bilong en Taim Wanpela Long Famili i Dai. Ating dispela liklik buk i gat 32 pes long en inap mekim gut bel bilong yu o bilong wanpela man yu save long em, taim yupela i kaunim. Yu ken kisim wanpela liklik buk sapos yu raitim nem na atres bilong yu long hap daunbilo na salim long atres i stap long en o long atres i stret long yu em i stap long pes 5 bilong dispela nius.
◻ Salim wanpela liklik buk Taim Wanpela Long Famili i Dai long mi.
◻ Plis kam lukim mi, mi laik stadi long Baibel, no gat pe.