“Oltaim Mi Bin Ting Mi Tasol i Gat Dispela Hevi”

WANPELA yangpela, nem bilong em Ulrike, em i gat 13 krismas na em i stap long Kalifonia, Amerika, i bin mekim dispela tok i stap antap taim em i stadi long buk Rot Bilong Famili i Ken Stap Amamas. Em i tok:

“Mi amamas tru long yupela i bin putim long buk dispela sapta ‘Ol Famili i Gat Papa o Mama Tasol Inap Winim Ol Hevi!’ Dispela i helpim mi long mekim gutpela pasin moa na helpim gut mama bilong mi, long wanem, em i wanpela mama singel. Na tu, dispela sapta i helpim mi long pilim gut moa ol tingting bilong em i stap long bel. Oltaim mi bin ting mi tasol i gat dispela bikpela bel hevi.” Dispela yangpela i pinisim tok bilong em olsem: “Dispela buk i bin helpim mi tru!”

Dispela buk i gat 192 pes long en i bin helpim planti milion manmeri long olgeta hap bilong graun. Buk Rot Bilong Famili i Ken Stap Amamas inap helpim olgeta insait long famili​​—⁠ol man marit, ol meri marit, ol papamama, ol pikinini, ol bubu​​—⁠em nau, em inap helpim olgeta. Sampela sapta insait long dispela buk em ol inap skulim gut yumi em olsem: “Skulim Pikinini Bilong Yu Taim Em i Liklik Yet,” “Helpim Pikinini Bilong Yu Long Kamap Strong,” “Lukautim Famili na Bai Pasin Nogut i No Ken Bagarapim Ol,” na “Helpim Famili Long Stap Bel Isi Wantaim.”

Sapos yu laik kisim wanpela buk olsem, plis raitim ol tok long dispela hap daunbilo na salim long atres i stap long en o long atres i stap long pes 5 em i stret long yu. Bai yu kisim ol gutpela tok bilong helpim yu long stretim ol hevi i kamap, na long kamapim amamas insait long famili olsem Man bilong wokim yumi i laik bai famili i stap olsem.

□ Salim wanpela buk Rot Bilong Famili i Ken Stap Amamas i kam long mi.

□ Plis toksave long mi long pasin bilong kisim Baibel-stadi i no gat pe.