Em i Gat Tupela Tingting Tasol Em i Laik Kisim Save Yet
LONG wanpela pas em brens-ofis bilong ol Witnes Bilong Jehova long Slovenia i kisim, wanpela man i tok em i bin baptais long Misin Katolik, em i tok olsem: “Plis salim wanpela liklik buk long mi, nem bilong en God i Laik Yumi Mas Mekim Wanem? Na tu, mi laik bai yupela i toksave long mi long olsem wanem mi inap kisim nius Kirap! long olgeta taim long haus bilong mi.”
Dispela man i tok moa: “Plis no ken tingting kranki long mi. Mi save holim tupela tingting long ol samting bilong lotu, tasol mi kirap nogut taim mi kaunim nius Kirap!, long wanem, em i no strong tumas long tok olsem ol tok bilong en i stret tasol, nogat. Em i kamapim gut insait bilong ol samting long ol tok i no hatwok long kaunim na i givim save long man.” Bihain em i toktok long wanpela nius bilong lotu em planti man i save long en, na em i tok dispela nius i save grisim ol man na pulim tingting bilong ol long bihainim ol tok bilong en.
Dispela man i stori long as na em i no laik raitim nem na atres bilong em long hap i stap long laspela pes bilong Kirap!, em bilong kisim wanpela liklik buk Yumi Mas Mekim Wanem?, tasol em yet i raitim wanpela pas. Em i tok: “Mi no laik bagarapim dispela nius Kirap! Mi laik bai olgeta pes bilong en i mas stap!”
Dispela liklik buk God i Laik Yumi Mas Mekim Wanem? i gat 32 pes na 16 stadi long en. Ol dispela stadi i kamapim ol as tok bilong Baibel na em i kamapim ol tok bilong Baibel bilong soim yumi long wanem ol samting yumi mas mekim bambai God i ken orait long yumi. Sapos yu tu i laik kisim wanpela liklik buk olsem, raitim nem na atres bilong yu long hap daunbilo na salim long atres i stap long en o long atres i stret long yu i stap long pes 5 bilong dispela nius.
□ Salim wanpela liklik buk nem bilong en God i Laik Yumi Mas Mekim Wanem? long mi
□ Plis kam lukim mi, mi laik stadi long Baibel, no gat pe.
[Piksa long pes 32]
113 milion liklik buk long 240 tok ples