“Tok i Kamap Long Taim Stret” Bilong Helpim Ol Man
WANPELA meri i kaunim buk Rot Bilong Famili i Ken Stap Amamas, na em i tok: “Aiwara bilong mi i pundaun taim mi kaunim ol dispela ‘gutpela tok tru,’ na ol tok i kamap long taim stret. Mi pilim tru ol tok yupela i mekim long ol hevi inap kamap insait long famili, yupela i mekim long gutpela pasin tru. . . . Mi kaunim buk i kam inap long namel bilong sapta 8 na nau mi raitim dispela pas long yupela. Mi no inap wet sampela taim moa.”
Dispela meri i amamas long kaunim dispela buk, em i bilong Not Karolaina, Amerika, na em i tok moa: “Mi beten bambai famili bilong mi na planti ol narapela man long olgeta hap bilong graun ol i ken tingim gut ol tok i stap long dispela buk.”
Dispela buk i gat 192 pes long en i bin helpim planti milion man long olgeta hap bilong graun. I gat ol tok insait long dispela buk i stret long olgeta wan wan insait long famili—man marit, meri marit, ol papamama, ol pikinini, na ol lapun bubu. Sampela gutpela sapta long dispela buk em “Skulim Pikinini Bilong Yu Taim Em i Liklik Yet,” “Helpim Pikinini Bilong Yu Long Kamap Strong,” “Lukautim Famili na Bai Pasin Nogut i No Ken Bagarapim Ol,” na “Helpim Famili Long i Stap Bel Isi Wantaim.”
Bilong kisim wanpela buk, raitim nem na atres bilong yu long hap daunbilo na salim i go long atres i stap long en o long wanpela atres i stret long yu em i stap long pes 5 bilong dispela nius. Bai yu kisim ol tok i stret bilong helpim yu long stretim ol hevi na long mekim sindaun bilong famili i kamap gutpela tru, olsem Man bilong wokim olgeta samting i laikim.
□ Salim wanpela buk Rot Bilong Famili i Ken Stap Amamas i kam long mi.
□ Plis kam lukim mi, mi laik stadi long Baibel, no gat pe.