‘Nius Bilong Givim Save’

Wanpela man i gat 26 krismas na em i stap long Hailans bilong Papua Niugini em i bin mekim dispela tok i stap antap bilong stori long nius Kirap!

Long pas em i salim long brens-ofis bilong Papua Niugini, em i tok olsem: “Mi laik tok amamas long ol gutpela stori yupela i save kamapim long Kirap!, em nius planti man i save long en. Ol dispela stori i tru na i givim save long yumi long kain kain samting.” Dispela man i tok moa: “Maski mi no wanpela Witnes Bilong Jehova, mi save amamas tru long ritim ol nius Kirap! em mi save kisim long ol pren bilong mi. . . . Long olgeta taim mi ritim wanpela, mi save tingting long raitim wanpela pas bilong tok amamas long hatwok yupela i mekim. Tasol taim mi redi long mekim olsem, narapela nius gen i kam na mi ritim dispela na mi no gat taim bilong raitim pas.”

Dispela man i amamas long ritim Kirap! em i tok olsem: “Mi ting olsem Kirap! inap tru long helpim ol man i save long rit. Mi laik tok tenkyu tru long yupela.”

Nius Kirap! i save stori long planti samting. Na bikpela wok bilong dispela nius, em i save kirapim ol man long bilip tru long tok promis bilong God long kamapim gutaim na bel isi em bai senisim dispela pasin nogut bilong nau.

Dispela liklik buk i gat 32 pes long en, God i Laik Yumi Mas Mekim Wanem? i stori long dispela samting God i tingting pinis long mekim, na em i kamapim ol tok bilong Baibel bilong soim yumi long ol samting yumi mas mekim bambai God i ken orait long yumi. Yu ken kisim wanpela liklik buk sapos yu raitim nem na atres long hap daunbilo na salim i kam long atres i stap long en o long atres i stret long yu em i stap long pes 5 bilong dispela nius.

□ Salim wanpela liklik buk long mi, nem bilong en God i Laik Yumi Mas Mekim Wanem?

□ Plis kam lukim mi, mi laik stadi long Baibel, no gat pe.