Samting i Pulim Tingting Bilong Em

Long wanpela bikrot long Bangui, Ripablik Bilong Sentral Afrika, wanpela yangpela i kisim wanpela liklik nius Husat Tru i Bosim Dispela Graun? Dispela askim i kirapim tru tingting bilong em, na em i laik kisim sampela save moa long dispela samting. Em i kirap ritim na pren bilong em tu i laik ritim. Tasol i gat dispela wanpela liklik nius tasol, na yangpela ya i no laik givim long pren bilong em. Ol bai mekim wanem nau?

Bilong stretim dispela samting, ol i mas wokim poto-kopi long dispela liklik nius, na bilong mekim olsem ol i mas tromoi 100 CFA, em olsem 50 toea samting. Dispela em i bikpela mani tru long wanpela skulmanki long Bangui. Tasol nau tupela i amamas long ol i gat wan wan nius bilong ol yet em planti milion man long olgeta hap i amamas long ritim.

Sapos yu tu i laik ritim tok long olsem wanem klostu nau wok bos bilong ol gavman bilong dispela graun bai senis na gutpela gavman bai kisim ples bilong en, orait yu ken kisim wanpela bilong dispela liklik nius. Yu ken kisim wanpela liklik nius na buklet “Harim! Mi Mekim Olgeta Samting i Kamap Nupela!” i gat 32 pes long en. Raitim nem na atres bilong yu long hap daunbilo na salim i go long atres i stap long en o long wanpela atres i stret long yu em i stap long pes 5 bilong dispela nius.

□ Salim wanpela liklik nius Husat Tru i Bosim Dispela Graun? i kam long mi wantaim buklet “Harim! Mi Mekim Olgeta Samting i Kamap Nupela!”

□ Plis kam lukim mi, mi laik stadi long Baibel, no gat pe.