“Mi Pilim Tru Pasin Sori Bilong Em”

Long pas em i salim long brens ofis bilong ol Witnes Bilong Jehova long Yugoslavia, wanpela man long biktaun Nis i tok olsem:

“Mi laik tok tenkyu long yupela. Long olgeta wan wan de mi save ritim sampela sapta bilong Baibel, na mi amamas taim mi mekim olsem. Long nau mi ritim tu buklet God i Laik Yumi Mas Mekim Wanem? Mi laik tok tenkyu long yupela long dispela gutpela tul bilong save gut long Baibel. Olgeta tok insait long buklet i no hatwok long kisim na i klia gut.

“Hap mi laikim tru em stadi i stori long Jisas Krais. Mi pilim tru pasin sori bilong em, em i givim gutpela laip bilong em long ol manmeri em i no save long ol. Olgeta man i mas tingim tru ofa bilong em na ol i mas tenkyu long dispela samting.”

Mipela i save olsem yu tu inap kisim helpim taim yu ritim dispela buklet God i Laik Yumi Mas mekim Wanem? i gat 32 pes long en. I gat ol narapela stadi paslain na bihain long dispela gutpela stadi “Krais Jisas Em i Husat?” olsem, “God Em i Husat?,” “Wanem Laik Bilong God Long Dispela Graun?,” “Kingdom Bilong God Em i Wanem Samting?” Sapos yu laikim wanpela buklet, raitim nem na atres bilong yu long hap daunbilo na salim long atres i stap long en o long atres i stret long yu i stap long pes 5 bilong dispela nius.

□ Salim wanpela buklet God i Laik Yumi Mas Mekim Wanem? long mi.

□ Plis kam lukim mi, mi laik stadi long Baibel, no gat pe.