“Mi No Gat Tupela Tingting Moa Long Nem Bilong God”

Wanpela man i save tok Spen long San Diego, California, em i mekim dispela tok i stap antap long pas em i raitim long brens ofis bilong ol Witnes Bilong Jehova long Amerika. Em i tok: “Mi no wanpela memba bilong lotu bilong yupela, tasol mi save amamas long ritim ol buk na nius bilong yupela. Nau mi raitim pas bilong tok amamas long yupela. Long 3-pela de i go pinis, mi lukim wanpela buklet ol i bin tromoi long pipia dram. Mi kisim dispela buklet maski wara i holim em pinis. Nem bilong en The Divine Name That Will Endure Forever. Mi larim buklet i drai pastaim, na bihain mi ritim gut.

“I no gat wanpela taim bipo mi bin amamas tru long ritim wanpela buklet olsem mi amamas long ritim dispela. Mi ting i no gat wanpela narapela buklet i kain olsem dispela. Mi no gat tupela tingting moa long nem bilong God. Mi wok long yusim dispela buklet i bagarap liklik bilong lainim sampela wanlotu bilong mi long nem bilong God. Mi askim ol, ‘Wanem nem bilong God?’ tasol ol i no inap bekim! Bihain mi soim dispela buklet long ol. Plis salim long mi tripela nupela buklet long tok Spen.”

Yu inap kisim dispela buklet i gat 32 pes long en, The Divine Name That Will Endure Forever. Raitim nem na atres bilong yu long hap ol i makim na salim long atres i stap long en o long atres i stret long yu i stap long pes 5 bilong dispela buklet.

□ Salim wanpela buklet The Divine Name That Will Endure Forever long mi.

□ Plis kam lukim mi, mi laik stadi long Baibel, no gat pe.