‘Em i Pulap Long Ol Tok i Gutpela Tumas’

Dispela em tok dairekta bilong wanpela haus sik bilong ol man i gat sik bilong i dai long Illinois, Amerika, i mekim long buklet Taim Wanpela Long Famili i Dai. Wanpela Witnes Bilong Jehova i bin salim dispela buklet na wanpela Kirap! i go long em, long wanem, dispela Witnes i bin ritim dispela Kirap! na em i kisim save olsem planti bilong ol man i kilim i dai ol yet em ol lapun. Taim dairekta i kisim ol dispela nius, kwiktaim em i raitim pas.

Dairekta i lukim olsem buklet Taim Wanpela Long Famili i Dai i pulap long ol tok i gutpela tumas, olsem na em i tok: “Mi bai amamas long givim dispela buklet . . . long ol famili em ol inap kisim bel isi long ol gutpela tingting na ol tok bilong Baibel em i kamapim.”

Wantu Witnes i ringim dairekta na i pasim tok wantaim em long go lukim em. Dairekta i laikim 20 bilong dispela buklet na i askim brata long kam long haus sik long olgeta tupela o tripela mun bilong givim sampela buklet moa.

Ating dispela buklet i gat 32 pes long en bai mekim gut bel bilong yu yet o wanpela yu save long em. Yu ken kisim wanpela bilong dispela buklet sapos yu raitim nem na atres bilong yu long hap ol i makim na salim long atres i stap long en o wanpela atres i stret long yu i stap long pes 5 bilong dispela nius.

□ Salim wanpela buklet Taim Wanpela Long Famili i Dai long mi.

□ Plis kam lukim mi, mi laik stadi long Baibel, no gat pe.