‘Em i Helpim Mi Long Karim Ol Hevi’

Em tok wanpela meri long Connecticut, Amerika, i mekim long buk Go Klostu Long Jehova. Em i tok: “Mi save stadi long liklik hap bilong dispela buk long olgeta de. Long ol de bel hevi bilong mi i mekim na mi hatwok long mekim ol liklik samting olsem pulim win, sotpela stadi i save helpim mi long karim ol hevi.”

Em i tok moa: “Piksa long wasman bilong sipsip i gat pasin isi long pes 69 i mekim gut bel bilong mi. Na mi amamas long tok i stap long pes 28, paragraf 8, em i stori long Moses long taim diwai i paia na ‘hap graun i stap klostu long en i kamap holi, long wanem, i olsem Jehova i bin stap long dispela hap!’ Sapos Jehova inap mekim na hap graun i kamap holi, ating gutpela samting inap painim mi tu. Dispela tingting i bin helpim mi tru, long wanem, mi save bel hevi planti taim.”

Mipela i save olsem yu bai kisim helpim sapos yu ritim dispela buk Go Klostu Long Jehova i gat 320 pes long en. Bilong kisim dispela buk, yu ken raitim nem bilong yu long hap hia na salim long atres i stap long dispela hap o i stap long pes 5 bilong dispela nius.

□ Salim wanpela buk Go Klostu Long Jehova long mi.

□ Plis kam lukim mi, mi laik stadi long Baibel, no gat pe.