Bilong Wanem i Gat Planti Lotu?

Wanpela meri i bin raitim pas i go long brens ofis bilong ol Witnes Bilong Jehova long Guatemala na em i stori long ol samting i bin kamap taim em i toktok wantaim wanpela Witnes taim ol i ron long bas. Dispela meri i tok: “Mipela i bin toktok long wanem as na i gat planti lotu.” Em i tok dispela Witnes i kamautim wanpela kopi bilong buklet God i Laik Bai Yumi Mas Mekim Wanem? na opim long het tok “Olsem Wanem Yu Inap Painim Lotu i Tru?” Meri i tok: “Mi kirap nogut long lukim dispela het tok. Kirap long dispela taim tasol mi luksave olsem i mas i gat wanpela lain tasol i lotu tru long God.”

Taim em i ritim pinis dispela buklet, em i pilim tru tok em i ritim. Em i tok: “Mi raitim dispela pas bilong painimaut sapos yupela inap helpim mi long mekim Baibel stadi long dispela buklet, long wanem, mi save tok i stap long dispela buklet em tok i tru.”

Dispela buklet i gat 32 pes long en, God i Laik Yumi Mas Mekim Wanem? i wankain sais olsem dispela magasin. Em i bekim askim bilong dispela het tok i stap antap, na tu em i bekim ol dispela askim olsem:

◼ God em i husat?

◼ Wanem laik bilong God long dispela graun?

◼ Kingdom Bilong God em i wanem samting?

◼ Olsem wanem yu ken stap amamas wantaim famili bilong yu?

Yu bai kisim gutpela helpim taim yu ritim buklet, God i Laik Yumi Mas Mekim Wanem? Yu inap kisim wanpela kopi bilong dispela buklet. Raitim nem na atres bilong yu long hap ol i makim na salim long atres i stap long en o long atres i stret long yu i stap long pes 5 bilong dispela magasin.

□ Salim wanpela buklet God i Laik Yumi Mas Mekim Wanem? long mi.

□ Plis kam lukim mi, mi laik stadi long Baibel, no gat pe.