“Mi Laik Ritim i Go i Go”

◼ Long yia i go pinis, yumi bin kisim wanpela buk i gat ol kala kala piksa na 224 pes long en, long ol kibung bilong ol Witnes Bilong Jehova i bin kamap long olgeta hap. Ol i bin wokim dispela buk bilong stadi wantaim ol man long tok bilong Baibel. Nem bilong en, Tru Tru Baibel i Tok Wanem?

Wanpela meri i tok, “Mi laik ritim i go i go. Ol i bin kisim olgeta nambawan gutpela tok bilong skulim man i stap long ol narapela stadi buk mi bin lukim na putim long dispela buk.”

Wanpela man i tok: “Olgeta pes bilong dispela buk i kirapim yumi long ritim sampela pes moa. Narapela samting mi laikim em, pinis bilong olgeta wan wan sapta i kolim ol samting em sapta i kam bihain bai stori long en. Planti tok bilong en i mekim na mi aiwara. Na i gat planti samting mi save laikim tru long dispela buk, na sapos mi raitim long wanpela buk, em bai pulapim olgeta pes bilong en!”

Narapela man tu i amamas tru long dispela buk na i tok: “Tru tumas, dispela buk inap helpim tru ol man long samting bilong lotu i tru, na em i nambawan gutpela tul bilong skulim ol nupela man long kamap disaipel.”

Buk Tru Tru Baibel i Tok Wanem? i stap long 140 tok ples. Bilong kisim dispela buk, yu ken raitim nem bilong yu long hap hia na salim long atres i stap long dispela hap o i stap long pes 5 bilong dispela nius.

□ Salim wanpela buk Tru Tru Baibel i Tok Wanem? long mi.

□ Plis kam lukim mi, mi laik stadi long Baibel, no gat pe.