Wanpela Presen Em i Amamas Tru Long En
Man bilong givim na man bilong kisim samting, tupela wantaim i save amamas taim wanpela presen i inapim em long samting em i sot long en na em i amamas tru long en. I no longtaim i go pinis, wanpela wokmeri bilong gavman long Meksiko i gat bikpela namba, i raitim pas i go long brens ofis bilong ol Witnes Bilong Jehova bilong tok tenkyu long em i bin kisim buk Kisim Skul Long Bikpela Tisa. Long pas bilong em, em i tok:
“Ol tok bilong dispela buk i nambawan tru. Mi luksave olsem, maski ol tok bilong en i kam long wanpela olpela buk tru, olgeta tok bilong en i stret tru long sindaun bilong yumi long nau na ol samting yumi mekim long olgeta de.
“Mi bilip tru olsem mipela papamama i gat wok long skulim ol pikinini bilong mipela long ol gutpela pasin bilong helpim ol long luksave long wanem kain pasin ol i mas bihainim, na long mekim ol samting bilong lukautim ol yet. Na tu, bilong helpim ol long mekim stretpela pasin na pasin rispek namel long ol man bilong dispela graun em ol i no gat ol dispela pasin. Bikpela samting moa, mipela i mas helpim ol long luksave olsem i gat wanpela Man, em Bikpela Man Antap, na em i gat gutpela pasin na pasin laikim. Mi tok tru long yupela, dispela buk yupela i bin salim i kam bai i gat bikpela wok tru bilong en, long wok mani bilong mi, na tu, long dispela wok em Man Bilong Wokim yumi i givim long ol papamama, bilong helpim ol liklik pikinini bilong mipela long kamap man o meri i laikim ol narapela.”
Dispela wokmeri bilong gavman i luksave olsem long rot bilong buk Kisim Skul Long Bikpela Tisa, yumi inap kisim gutpela skul long pasin bilong Jisas Krais long wokabaut na ol samting em i bin skulim ol man long en. Yu tu inap kisim wanpela bilong dispela gutpela buk i gat 256 pes long en. Ol pes bilong en i wankain sais olsem dispela nius. Bilong kisim dispela buk, yu ken raitim nem bilong yu long hap hia na salim long atres i stap long dispela hap o i stap long pes 5 bilong dispela nius.
□ Salim wanpela buk long mi. Makim wanem tok ples.
□ Plis kam lukim mi, mi laik stadi long Baibel, no gat pe.