Samting i Winim Olgeta Toi

Yu ting ol liklik pikinini bai laikim wanpela buk winim ol toi? Yes, ol inap laikim sapos ol papamama i kamapim ol stori i stap long ol buk kirap long taim ol i bebi yet. Mebrahtu na Angela, em tupela marit long Kalifonia, Yunaitet Stet, i bin kirap ritim buk Kisim Skul Long Bikpela Tisa long pikinini meri bilong tupela, kirap long taim em i bon na ol i bringim em i kam long haus.

Papamama i tok: “Dispela i mekim na em i save laikim tru buk Tisa. Taim em i gat wanpela krismas tasol, em kirap askim mipela long ritim dispela buk em i kolim olsem Jisas buk. Julianna i gat tripela krismas nau na long olgeta wan wan de em i save wet long Mama o Papa i ritim dispela buk long em. Mipela i no giaman long tok olsem pikinini bilong mipela i laikim dispela buk winim olgeta toi. Ol piksa na ol tok piksa i stap insait long dispela buk i gutpela bilong skulim pikinini long en. Mipela papamama bilong em tu i lainim planti samting.”

Yu inap kisim wanpela bilong dispela gutpela buk i gat ol naispela piksa na 256 pes long en. Ol pes bilong en i wankain sais olsem dispela nius. Bilong kisim dispela buk, yu ken raitim nem bilong yu long hap hia na salim long atres i stap long dispela hap o i stap long pes 5 bilong dispela nius.

❑ Salim wanpela buk Kisim Skul Long Bikpela Tisa long mi.

❑ Plis kam lukim mi, mi laik stadi long Baibel, no gat pe.