“Mi No Bin Save Olsem God i Gat Nem”

◼ Wanpela meri i mekim dispela tok bihain long em i bin ritim buk Tru Tru Baibel i Tok Wanem? Em i tok moa: “Tasol i stret olsem God i mas i gat nem. Taim mi opim Baibel bilong mi, mi lukim nem bilong God i stap!” Em i tok: “Mi no bin ritim yet wanpela buk i gat ol tok bilong Baibel na i bin helpim mi gut na i no hatwok long kisimgut ol tok bilong en!”

Buk Baibel i Tok i tokaut long laik bilong God long pastaim tru olsem graun i mas i stap olsem wanpela paradais, na i tokaut tu long olsem wanem dispela laik bai kamap tru. Dispela buk i kamapim klia bikpela wok em Pikinini Bilong God, Jisas Krais, i holim bilong truim dispela laik bilong God. Dispela buk i kamapim ol tok bilong Baibel long as na yumi kamap lapun na i dai, bilong wanem God i larim pen na hevi i stap, na olsem wanem Kingdom Bilong God bai tekewe olgeta pen na hevi.

Maski buk Baibel i Tok i stap 3-pela yia tasol, ol i wokim na prinim pinis winim 79 milion buk long 220 tok ples. Bilong kisim dispela buk, yu ken raitim nem bilong yu long hap hia na salim long atres i stap long dispela hap o i stap long pes 5 bilong dispela nius.

□ Salim wanpela buk Tru Tru Baibel i Tok Wanem? long mi.

□ Plis kam lukim mi, mi laik stadi long Baibel, no gat pe.