‘Em i Bekim Ol Askim Bilong Mipela’

◼ ‘Em i bekim ol askim bilong mipela.’ Em tok ol yangpela i mekim long nupela buk Questions Young People Ask​—⁠Answers That Work, Volume 2. Jessicah, em wanpela yangpela meri bilong Texas, long Amerika, em i tok: “Tingting bilong mi i paul na mi no save long samting mi mas mekim. Dispela buk i bin strongim tru mi. Mi kisim save olsem i gat planti yangpela olsem mi em ol i karim kain kain hevi taim ol i laik mekim wok bilong God, na stori bilong ol i strongim mi. Dispela buk i bekim klostu olgeta askim mi gat long ol samting bilong laip bilong ol yangpela.”

Breann bilong Colorado, em i tok: “Buk bilong yupela i mekim wok bilong en long strongim ol papamama na ol pikinini long toktok wantaim. Taim mi laik toktok wantaim mama bilong mi, mi save kisim buk na ritim ol hap tok mi laik bai em i harim. Wanpela pren bilong mi i bin ritim dispela buk na em tu i redi long toktok wantaim papamama bilong em.”

Ol namba wan sapta bilong dispela buk i kamapim ol tok i bekim ol askim long wanpela samting em planti yangpela i save tingting long en​—⁠pasin bilong boipren na gelpren. Katrina bilong New Jersey, i tok: “Dispela buk i strongim tru bel bilong mi, olsem na maski ol narapela i tok wanem, mi no redi yet long prenim wanpela man. Na tu, taim wanpela i stap singel, em i gat rot long mekim planti gutpela samting! Olsem na long nau yet mi no laik tromoi nating amamas bilong mi long mekim ol dispela gutpela samting. Na taim mi redi long prenim wanpela yangpela man, mi bai save gut long wanem kain man mi laikim na olsem wanem bai mi mekim olsem.”

Bilong kisim dispela buk, yu ken raitim nem bilong yu long hap hia na salim long atres i stap long dispela hap o i stap long pes 5 bilong dispela nius.

□ Salim wanpela buk Questions Young People Ask​—⁠Answers That Work, Volume 2, long mi.

□ Plis kam lukim mi, mi laik stadi long Baibel, no gat pe.

[Piksa long pes 32]

Jessicah

[Piksa long pes 32]

Breann

[Piksa long pes 32]

Katrina