Yu Laik Kamap Pren Bilong God?

● Bai yu bekim dispela askim olsem wanem? Wanpela yangpela meri i stap long wanpela longwe ples long provins Guerrero long Meksiko, i tok olsem em i no ting em inap kamap pren bilong God. Tupela yangpela meri, ol i Witnes Bilong Jehova, ol i soim em long buklet Yu Inap i Stap Pren Bilong God!, long tokples bilong em yet. Em i kirap nogut long lukim dispela buklet long tokples Tlapanec, long wanem, em i bin lukim ol buk bilong gavman tasol long tokples bilong em.

Dispela tupela meri i kamapim long em olsem dispela buklet i soim olsem Man Bilong Wokim olgeta samting i laikim em, long wanem, long rot bilong en, em inap kisim save long dispela Man. Em i kirap ritim ol tok i stap long stadi 1, aninit long het tok, “God i Laik Yu Kamap Pren Bilong Em.” Em i ritim pinis dispela hap, na i tok: “Mi laik kamap pren bilong God. Inap yupela i bringim wanpela Baibel i kam long mi?” Taim tupela Witnes i kam bek wantaim wanpela Baibel, mama bilong dispela yangpela i askim tupela long stap na skulim ol long sampela tok moa.

Tokples Tlapanec em wanpela bilong ol 17 tokples bilong ol Indian long Meksiko, em hap we ol i prinim dispela buklet Yu Inap i Stap Pren Bilong God! Dispela buklet i stap long olgeta hap bilong graun long 278 tokples (na rait Brel bilong ol aipas tu i insait long en). Sapos yu laik kisim wanpela bilong dispela buklet, orait raitim nem bilong yu long hap daunbilo na salim i kam long atres i stap long dispela hap o i stap long pes 5 bilong dispela nius.

□ Salim wanpela buklet Yu Inap i Stap Pren Bilong God! long mi.

□ Plis kam lukim mi, mi laik stadi long Baibel, no gat pe.