Ol Liklik Pikinini Tu Inap Lain

● Wanpela mama long California, Amerika, i mekim dispela tok taim em i rait na stori long wanpela tok i stap long dispela buk Kisim Skul Long Bikpela Tisa. Em i tok: “Long las wik tasol, mipela i kisim pikinini man bilong mipela, Javan husat i gat 3-pela krismas i go lukim dokta bilong em. Dokta i askim mi na man bilong mi sapos mitupela i bin toktok pinis wantaim Javan long ol wok i stret long sem bilong em na ol samting em i mas mekim bilong lukautim em yet. Mi bin amamas tru long tokim dokta long dispela buk Tisa, we i stori olsem i no stret long narapela i pilai long sem bilong narapela. Dokta i amamas tru long mipela i bin toktok pinis wantaim Javan long dispela samting.”

Dispela mama i tok moa: “Dispela buk i stori gut long ol dispela bikpela samting.” Sapta em i stori long en, em “Ol Samting God i Mekim Bilong Lukautim Jisas.” Dispela sapta i stori long olsem wanem Papa bilong Jisas long heven i bin lukautim Jisas taim Jisas i liklik yet na em i no inap lukautim em yet, na man nogut em King Herot i no bin bagarapim em. (Matyu 2:​7-23) Na buk i stori long olsem wanem ol liklik pikinini inap lain long lukautim ol yet sapos wanpela man i laik bagarapim ol.

Yu inap kisim wanpela bilong dispela gutpela buk i gat ol naispela piksa na 256 pes long en. Ol pes bilong en i wankain sais olsem pes bilong dispela nius. Bilong kisim dispela buk yu ken raitim nem bilong yu long hap hia na salim long atres i stap long dispela hap o i stap long pes 5 bilong dispela nius.

□ Salim wanpela buk Kisim Skul Long Bikpela Tisa long mi.

□ Plis kam lukim mi, mi laik stadi long Baibel, no gat pe.