Wanem Taim Yu Mas Kirap Skulim Pikinini?

● Wanpela man long Summerville, South Carolina, long Amerika, i tok olsem taim meri bilong em i gat bel 3-pela mun tasol, long olgeta nait em i save slip klostu long meri bilong em na ritim Baibel Stori Buk Bilong Mi. Dispela papa i tok: “Bihain long pikinini meri, Bethiah, i bon pinis, mipela i mekim yet wankain pasin, mipela i ritim wanpela wanpela stori long olgeta nait, mipela i mekim olsem na inap 3-pela taim pinis mipela i bin ritim buk olgeta.”

Em i tok moa: “Taim Bethiah i no toktok yet, em i luksave pinis long planti man em Baibel i stori long ol na em i save bihainim pasin bilong sampela em stori bilong ol i stap long buk. Na em i lain tu long kolim wan wan stori long tingting bilong em.”

I gat 116 stori na ol naispela piksa long dispela buk, ol i raitim long bikpela rait na i bihainim ol samting i bin kamap, olsem husat man i kamap pastaim na i go i go, na buk inap helpim tu man i ritim long save gut long ol stori bilong Baibel. Bilong kisim dispela buk i gat 256 pes long en, yu ken raitim nem bilong yu long hap hia na salim long atres i stap long dispela hap o i stap long pes 5 bilong dispela nius.

□ Salim wanpela buk Baibel Stori Buk Bilong Mi long mi.

Makim wanem tokples.

□ Plis kam lukim mi, mi laik stadi long Baibel, no gat pe.