Back Cover

PASIN bilong i stap olsem famili em i bin i stap longtaim tru, tasol long nau famili i laik bagarap. Pasin bilong ol yangpela long kisim drak na mekim pasin pamuk i go bikpela tru, na pasin bilong katim marit, na pait insait long ol famili, em tu i go bikpela, na ol famili i gat papa o mama tasol i stap, ol i kamap planti tru. Ol dispela hevi na ol narapela hevi moa i painim ol famili, em i mekim na sampela i tingting planti olsem pasin bilong i stap olsem famili em bai winim ol dispela hevi na i stap yet o nogat.

Yu ting famili inap mekim wok yet long lukautim gut na strongim bel bilong ol wan wan insait long en? Famili inap mekim olsem sapos ol wan wan insait long en ol i save long rot tru bilong famili i ken stap amamas. Dispela rot i no stap hait. Inap planti handet handet yia pinis, planti famili ol i bin bihainim dispela rot na ol i bin lukim olsem em i wok gut tru. Wanem dispela rot? Dispela buk, Rot Bilong Famili i Ken Stap Amamas, em i kamapim bekim bilong dispela askim. Na tu, em i kamapim sampela gutpela stori long olsem wanem dispela “rot” inap helpim famili long stretim sampela bikpela hevi i kamap insait long en. Yu ting i gat wanpela man o meri long nau em i no gat wok long kisim dispela save? Nogat, a?