Bai Yu Mekim Laik Bilong Jehova?
Tenkyu tru long yu lusim taim bilong skelim dispela buklet na bai yu ken save gut long ol Witnes Bilong Jehova, wok bilong mipela, na lukim oganaisesen bilong mipela i mekim wok. Mipela i laik bai dispela buklet i helpim yu long luksave olsem mipela i dispela lain husat i mekim laik bilong Jehova long nau. Mipela i laik strongim yu long wok yet long kisim save long God, tokim famili na ol pren bilong yu long ol samting yu kisim save long en, na bung oltaim wantaim mipela long ol miting Kristen.—Hibru 10:23-25.
Taim yu save gut moa long Jehova, bai yu lukim olsem em i laikim yu tru. Dispela bai kirapim yu long mekim olgeta samting yu inap mekim bilong soim olsem yu laikim em. (1 Jon 4:8-10, 19) Tasol olsem wanem yu ken kamapim klia pasin bilong yu long laikim God long laip bilong yu? Bilong wanem pasin bilong bihainim ol lo bilong em long stretpela pasin inap helpim yu tru? Na wanem samting bai helpim yu na bai yu gat laik long mekim laik bilong God wantaim mipela? Baibel tisa bilong yu bai amamas long helpim yu long painim bekim bilong ol dispela askim bambai yu na famili bilong yu i ken ‘stap insait yet long pasin laikim bilong God, na wet long kisim laip oltaim.’—Jut 21.
Mipela i laik singautim yu long wok yet long kamap strong long tok i tru long rot bilong stadi long dispela buk “Stap Insait Yet Long Pasin Laikim Bilong God”.