Bung Wantaim Ol Narapela Lotu
Yu ting olgeta lotu i save lotuim wankain God?
Yu ting Jehova i orait long olgeta kain lotu maski ol i skulim ol man long narapela narapela bilip?
Mt 7:13, 14; Jon 17:3; Ef 4:4-6
Ol eksampel long Baibel:
Jos 24:15—Josua i tok yumi mas makim olsem yumi laik lotuim Jehova o lotuim ol narapela god
1Ki 18:19-40—Jehova i yusim profet Elaija long soim klia olsem ol man i lotu long God tru, ol i no ken lotuim ol narapela god, kain olsem Bal
Jehova i pilim olsem wanem long ol god bilong ol narapela kantri na pasin bilong lotuim ol?
Jehova i save pilim olsem wanem taim ol man i tok ol i lotuim em, tasol long wankain taim ol i mekim ol pasin nogut?
Ai 1:13-15; 1Ko 10:20-22; 2Ko 6:14, 15, 17
Ol eksampel long Baibel:
Ki 32:1-10—Lain Israel i putim presa long Aron na em i wokim wanpela imis bilong pikinini bulmakau na ol i yusim dispela bilong mekim “bikpela bung bilong lotu long Jehova” na dispela i mekim Jehova i belhat nogut tru
1Ki 12:26-30—Bilong pasim ol manmeri long go long tempel long Jerusalem, King Jeroboam i wokim ol imis bilong makim Jehova na em i pulim ol manmeri long mekim sin
Jehova i tok wanem long lain Israel long pasin bilong joinim ol manmeri i save lotuim ol narapela god?
Jehova i mekim wanem taim lain bilong em i go joinim ol narapela lotu na lotuim god bilong ol?
He 10:6, 7; Sg 106:35-40; Jer 44:2, 3
Ol eksampel long Baibel:
1Ki 11:1-9—King Solomon i maritim ol meri bilong ol narapela kantri na ol i pulim em i go lotuim ol god bilong ol na dispela i mekim Jehova i belhat nogut tru
Sg 78:40, 41, 55-62—Asap i stori long hau pasin bikhet bilong lain Israel na pasin bilong ol long lotuim ol giaman god i bin mekim Jehova i bel hevi na Em i givim baksait long ol
Yu ting Jisas i sapotim tok em ol lotu i skulim ol man long en we i pait wantaim Tok Bilong God?
Ol eksampel long Baibel:
Mt 16:6, 12—Jisas i tok olsem ol tok em ol Farisi na ol Sadyusi i skulim ol man long en i wankain olsem yis, bikos ol tok giaman i save spred hariap na paulim ol tok i tru i stap long Tok Bilong God
Mt 23:5-7, 23-33—Jisas i no orait liklik long pasin bilong ol Farisi na ol saveman bilong Lo long tupela maus na ol i save skulim ol man long ol tok i no tru
Mk 7:5-9—Jisas i kamapim klia pasin bilong ol saveman bilong lo na ol Farisi long putim kastam bilong ol man i go pas long Tok Bilong God
Yu ting Jisas i kirapim ol disaipel bilong em long bruk na kamapim planti liklik lotu bilong ol yet?
Ol eksampel long Baibel:
Jon 15:4, 5—Jisas i stori long wanpela rop wain bilong makim olsem ol disaipel bilong em i mas stap wanbel wantaim em na ol i stap wanbel tu wantaim ol wanbilip Kristen
Jon 17:1, 6, 11, 20-23—Long laspela nait Jisas i stap wantaim ol aposel bilong em, paslain long ol man i kilim em i dai, em i beten long pasin wanbel i mas stap namel long olgeta disaipel tru bilong em
Yu ting ol narapela narapela kongrigesen Kristen long taim bilong ol aposel i bin holim wankain bilip na lotuim Jehova long wankain pasin?
Ol eksampel long Baibel:
Ap 11:20-23, 25, 26—Ol kongrigesen long Antiok na Jerusalem i pas gut na wok bung wantaim
Ro 15:25, 26; 2Ko 8:1-7—Ol kongrigesen Kristen long taim bilong ol aposel i mekim pasin laikim long rot bilong helpim ol narapela long taim bilong hevi na dispela i soim olsem ol i stap wanbel
Yu ting God i orait long olgeta lotu em ol i tok ol i bilip long Jisas Krais?
Sapos ol man i no bihainim ol tok Krais na ol aposel i skulim ol man long en, yu ting God i orait long lotu bilong ol?
Ol eksampel long Baibel:
Mt 13:24-30, 36-43—Long wanpela tok piksa, Jisas i tok wankain olsem gras nogut i save kamap long gaden, ol Kristen giaman bai kamap planti tru na ol bai bagarapim kongrigesen
1Jo 2:18, 19—Aposel Jon i tokaut klia olsem planti antikrais i kamap pinis klostu long pinis bilong yia 100 C.E.