Marit
Husat i kamapim fes marit?
Kristen i ken makim husat long maritim?
Wai na wanpela Kristen tru i no ken orait long pikinini man o pikinini meri bilong em husat i baptais pinis long maritim wanpela husat i no dediket na baptais pinis olsem wokman bilong Jehova?
Ol eksampel long Baibel:
St 24:1-4, 7—Lapun Abraham i tingting strong long painim wanpela meri bilong maritim Aisak namel long ol lain i lotuim Jehova, na i no namel long lain Kenan em ol i lotuim ol narapela god
St 28:1-4—Aisak i tokim pikinini man bilong em Jekop long maritim wanpela meri namel long lain i lotuim Jehova, na i no namel long lain Kenan
Jehova i pilim olsem wanem long man o meri i maritim wanpela husat i no lotuim Em?
Ol eksampel long Baibel:
1Ki 11:1-6, 9-11—Jehova i belhat long King Solomon long em i sakim ol tok lukaut bilong Em, long maritim ol meri bilong ol narapela kantri, na long larim ol i pulim em i go lotuim ol god bilong ol
Ne 13:23-27—Wankain olsem Jehova, Gavana Nehemia i belhat long ol man Israel i maritim ol meri bilong ol narapela kantri em ol i no save lotuim Jehova, so em i tok strong long ol na stretim ol
Wai na em i gutpela long maritim wanpela husat i stap gut long wok bilong Jehova na em i gat gutnem?
Lukim tu Ef 5:28-31, 33
Ol eksampel long Baibel:
1Sm 25:2, 3, 14-17—Nabal em i maniman, tasol em i gat hatpela pasin na em i save mekim nogut long ol narapela, dispela i mekim na em i no stap gutpela man bilong Abigel
Pr 21:9—Sapos yumi no was gut, yumi inap makim poroman marit i no gat gutpela pasin na dispela inap bagarapim bel isi bilong yumi na yumi no stap amamas
Ro 7:2—Aposel Pol i tok taim meri i marit, em i stap aninit long man bilong em olsem het, em man i no gutpela olgeta, olsem na i gutpela long meri i was gut taim em i makim poroman bilong maritim
Redi long marit
Wai na man i mas redi gut long sapotim meri na pikinini bilong em paslain long em i tingting long marit?
Ol eksampel long Baibel:
Pr 24:27—Paslain long man i marit na ating kamapim ol pikinini, em i mas wok hat na bai em i ken redi long lukautim meri pikinini bilong em
Tupela man na meri i pren bilong marit, wai na tupela i mas kisim sampela gutpela tok na save gut long narapela narapela, na ol i no ken tingim tasol lukluk bilong narapela narapela?
Ol eksampel long Baibel:
Ru 2:4-7, 10-12—Boas i kisim save long Rut long rot bilong lukim pasin bilong em long wok hat na gutnem bilong em long ai bilong ol narapela, pasin em i mekim long famili bilong em, na pasin bilong em long laikim Jehova
Ru 2:8, 9, 20—Rut i kisim save long Boas long rot bilong lukim ol gutpela pasin em i mekim, pasin bilong em long givim samting, na pasin bilong em long laikim Jehova
Wai na Jehova i laik bai man na meri i laik marit i mas stap klin na bihainim stretpela pasin long taim ol i pren na taim ol i engeij?
Ol eksampel long Baibel:
Pr 5:18, 19—Sampela pasin bilong soim laikim long narapela narapela em ol marit tasol i ken mekim
Sol 1:2; 2:6—Taim yangpela meri Sulam na wasman bilong sipsip i pren, ol i mekim ol gutpela tok bilong soim olsem ol i laikim narapela narapela, na ol i no mekim ol tok doti we i kirapim ol laik nogut long bel
Sol 4:12; 8:8-10—Yangpela meri Sulam i stap gut na bosim bel; em i olsem wanpela gaden i gat banis
Wai na man na meri i mas marit stret olsem lo bilong gavman i makim?
Wok bilong man marit
Jehova i givim wanem ol bikpela wok long ol man marit?
Man marit Kristen i mas bihainim eksampel bilong husat taim em i mekim wok olsem het bilong famili?
Wai na em i bikpela samting long man marit i mas soim olsem em i laikim meri bilong em na kliagut long filings bilong em na ol samting em i nidim?
Ol eksampel long Baibel:
St 21:8-12—Jehova i tokim Abraham long putim yau long meri bilong em Sara, maski em i no laikim tingting Sara i kamapim
Pr 31:10, 11, 16, 28—Man bilong gutpela meri marit em ol dispela ves i stori long em, em i no save kontrolim tumas meri o oltaim painim popaia bilong em, nogat, em i trastim em na preisim em
Ef 5:33—Tok bilong aposel Pol em holi spirit i kirapim em long raitim i soim olsem meri i mas pilim olsem man bilong em i laikim em
Wok bilong meri marit
Jehova i givim wanem wok long ol meri marit Kristen long mekim?
Yu ting ol wok em meri marit i mekim i daunim em?
Ol eksampel long Baibel:
Pr 1:8; 1Ko 7:4—Insait long marit na long famili, God i givim sampela wok long ol meri marit na ol mama long mekim
1Ko 11:3—Aposel Pol i tok, long arensmen bilong Jehova, yumi olgeta i gat wanpela i stap olsem het bilong yumi, tasol God i Gat Olgeta Strong, em wanpela tasol i no stap aninit long wanpela
Hi 13:7, 17—Insait long kongrigesen, ol man na ol meri wantaim i mas stap aninit na bihainim tok bilong ol man i gat wok long go pas long yumi
Olsem wanem meri marit Kristen em man bilong em i no wanbilip i ken mekim Jehova i amamas?
Wai na meri marit Kristen i mas wok yet long soim rispek long man bilong em?
Ol eksampel long Baibel:
St 18:12; 1Pi 3:5, 6—Sara i soim bikpela rispek long man bilong em na tingim em olsem “bikman” o het bilong em long sait bilong bilip
Baibel i mekim gutpela tok bilong preisim wanem kain meri marit?
Ol eksampel long Baibel:
St 24:62-67—Rebeka i helpim na mekim gut bel bilong man bilong em Aisak bihain long mama bilong Aisak i dai
1Sm 25:14-24, 32-38—Abigel i lukautim gut longlong man bilong em Nabal na seivim ol lain long haus bilong em taim em i daunim em yet na toktok gut wantaim Devit
Est 4:6-17; 5:1-8; 7:1-6; 8:3-6—Inap tupela taim Kwin Esta i go lukim man bilong em King Ahasuerus long laik bilong em yet, na askim king long helpim lain bilong God, maski em inap dai long dispela pasin em i mekim
Stretim ol hevi
Wanem ol stiatok inap helpim tupela marit long stretim ol hevi i kamap insait long marit bilong ol?
Wanem ol stiatok inap helpim tupela marit long holim stretpela tingting long sait bilong mani?
Lu 12:15; Fl 4:5; 1Ti 6:9, 10; Hi 13:5
Lukim tu “Mani”