Go Lapun; Ol Lapun

Ol eksampel long Baibel:

• Ekl 12:​1-8—Long poem em King Solomon i raitim, em i stori long sampela hevi i save painim ol lapun, olsem ol i no inap lukluk gut (“ol meri i lukluk i go ausait long windo i lukim olsem ples i tudak”) na ol i no inap harim gut (“olgeta pikinini meri i singsing isi”)

Ol eksampel long Baibel:

• 1Sm 12:​2, 23—Lapun profet Samuel i save olsem em i bikpela samting long wok yet long beten bilong helpim lain bilong Jehova

• 2Sm 19:​31-39—King Devit i pilim tru pasin bilong lapun Barsilai long stap gut long em, na long pasin daun Barsilai i tok nogat long wok em king i givim long em bikos em i luksave olsem em i lapun na em i no inap mekim bikpela wok moa

• Sg 71:​9, 18—King Devit i lapun na em i pret olsem Jehova i no inap yusim em moa, olsem na em i beten askim Jehova long givim em strong bambai em i ken skulim ol lain i kamap bihain long ol pasin bilong Jehova

• Lu 2:​36-38—Jehova i blesim profet meri Ana, em wanpela lapun wido, long pasin bilong em long givim bel tru long lotuim God na mekim yet wok bilong Em

Ol eksampel long Baibel:

• St 12:​1-4—Taim Abraham i gat 75 krismas, Jehova i givim em wanpela bikpela asainmen i senisim tru laip bilong em

• Da 10:​11, 19; 12:13—Wanpela ensel i visitim profet Daniel taim em i gat 90 krismas samting, na tokim em olsem em i dia tumas long ai bilong Jehova na Jehova bai blesim em long pasin bilong em long stap gut long Em

• Lu 1:​5-13—Jehova i blesim lapun Sekaraia na Elisabet na long rot bilong mirakel, tupela i kamapim wanpela pikinini man em Jon

• Lu 2:​25-35—Jehova i opim rot na lapun Simeon i lukim bebi em bihain em bai kamap Mesaia, na Simeon i mekim wanpela tok profet long em

• Ap 7:​23, 30-36—Moses i gat 80 krismas taim Jehova i givim em wok bilong stap olsem lida bilong lain Israel em ol manmeri bilong Em

Ol eksampel long Baibel:

• St 45:​9-11; 47:12—Josep i salim tok i go long bringim lapun papa bilong em Jekop i kam na em i lukautim em inap long em i dai

• Ru 1:​14-17; 2:​2, 17, 18, 23—Rut i lukautim gut lapun Naomi, na em i mekim gutpela tok na pasin long em

• Jon 19:​26, 27—Taim Jisas i hangamap long diwai pos, em i givim wok long aposel Jon long lukautim mama bilong em