Pasin Birua
Wai na ol Kristen i mas save olsem ol man bai birua na mekim nogut long ol?
Wai na yumi mas askim Jehova long strongim yumi taim ol man i birua na mekim nogut long yumi?
Sg 55:22; 2Ko 12:9, 10; 2Ti 4:16-18; Hi 13:6
Ol eksampel long Baibel:
1Ki 19:1-18—Taim Jesebel i laik mekim nogut long profet Elaija, em i beten long Jehova na tokaut long hevi bilong em na Jehova i strongim em na mekim isi bel bilong em
Ap 7:9-15—Taim ol brata bilong Josep i birua na mekim nogut long em, Jehova i stap gut long em, kisim em bek, na Em i yusim Josep long kisim bek famili bilong em
Wanem sampela kain pasin birua ol man i save mekim long yumi?
Tok bilas na tok nogut
2St 36:16; Mt 5:11; Ap 19:9; 1Pi 4:4
Ol eksampel long Baibel:
2Ki 18:17-35—Rabsake em mausman bilong king bilong Asiria, em i tok nogut long Jehova na tok bilas long ol manmeri bilong Jerusalem
Lu 22:63-65; 23:35-37—Ol birua bilong Jisas i tok nogut na tok bilas long em taim ol i kalabusim em na long taim em i hangamap long diwai pos
Taim ol wanfamili i birua long yumi
Taim ol man i arestim yumi na kotim yumi
Taim ol man i paitim yumi na mekim nogut long yumi
Taim ol man i bung na pait long yumi
Taim ol man i kilim yumi i dai
Ol Kristen i mas mekim wanem taim ol man i birua long ol?
Mt 5:44; Ap 16:25; 1Ko 4:12, 13; 1Pi 2:23
Ol eksampel long Baibel:
Ap 7:57–8:1—Ol man i bung na tromoi ston long Stiven na klostu long em i dai, em i beten askim God long marimari long ol birua bilong em, wanpela bilong ol em Sol bilong Tarsus
Ap 16:22-34—Maski ol i paitim aposel Pol na pasim lek bilong em long hap plang, em i mekim pasin helpim long woda bilong haus kalabus, na dispela i opim rot long woda na famili bilong em long kamap Kristen
Wanem samting i painim sampela Kristen bilong pastaim?
Yumi mas holim wanem stretpela tingting taim ol man i mekim nogut long yumi?
Olsem wanem pasin bilong yumi long bilip na wetim ol gutpela samting i kamap bihain i ken strongim bilip bilong yumi taim ol man i mekim nogut long yumi?
Wai na yumi no ken larim pasin birua i mekim yumi pilim sem, pret, o bel hevi, na wai na yumi no ken stop long mekim wok bilong Jehova?
Sg 56:1-4; Ap 4:18-20; 2Ti 1:8, 12
Ol eksampel long Baibel:
2St 32:1-22—Taim King Senakerip i laik kam pait long Jerusalem, King Hesekia i bilip strong long Jehova long helpim em na ol lain bilong em, na Jehova i helpim ol
Hi 12:1-3—Taim ol birua bilong Jisas i mekim ol tok bilong semim em, Jisas i no larim ol dispela tok i bagarapim bel bilong em
Wanem gutpela samting i save kamap long rot bilong pasin birua?
Yumi amamasim Jehova na givim ona long nem bilong em taim yumi sanap strong na karim ol hevi
Ol eksampel long Baibel:
Jop 1:6-22; 2:1-10—Jop i no save olsem Satan em i as bilong ol hevi i painim em, tasol em i no laik givim baksait long Jehova, na dispela i givim glori long God na i soim olsem Satan em i man bilong giaman
Da 1:6, 7; 3:8-30—Ol bilipman em Hanania, Misael, na Asaria (Satrak, Mesak, na Abetnego), ol i redi long dai long hatpela paia na bai ol i no ken sakim tok bilong Jehova, long dispela rot, man haiden em King Nebukatnesar i givim glori long Jehova long ai bilong ol manmeri
Pasin birua inap opim rot long ol man i kisim sampela save moa long Jehova
Ol eksampel long Baibel:
Ap 11:19-21—Ol Kristen i ranawe taim ol man i birua long ol na ol i autim gutnius long planti hap na gutnius i go bikpela
Fl 1:12, 13—Aposel Pol i amamas olsem taim em i stap long kalabus, dispela i opim rot long planti man long harim gutnius
Pasin bilong yumi long sanap strong taim ol man i mekim nogut long yumi inap strongim ol wanbilip
Ol bikman bilong lotu na ol lain politik i save mekim wanem bilong birua long ol wokman bilong Jehova?
Jer 26:11; Mk 3:6; Jon 11:47, 48, 53; Ap 25:1-3
Ol eksampel long Baibel:
Ap 19:24-29—Long Efesus, ol lain i wokim ol imis bilong Artemis i ting olsem tok ol Kristen i autim inap bagarapim bisnis bilong ol, olsem na ol i birua long ol Kristen
Ga 1:13, 14—Paslain long Pol (Sol) i kamap Kristen, em i save laikim tru na sapotim lotu Juda, olsem na em i birua long ol Kristen