‘Ol i Helpim Marit Bilong Mitupela’

Wanpela Witnes Bilong Jehova i bungim Glen, em wanpela man bilong Luisiana. Witnes i tok: “Taim mi bungim Glen, em i wok i stap aninit long ka bilong em tasol em i lusim dispela wok na em i kam sanap bilong harim tok bilong mi. Kwiktaim em i tok em i laik kisim sabskripsen bilong Wastaua na Kirap! Bihain mipela laik bungim em gen, tasol em i no i stap long haus. Orait sampela wik bihain mipela bungim meri bilong em, na meri i tok: ‘Man bilong mi i tokim mi pinis long em i kisim sabskripsen bilong dispela tupela nius. Mi kirap nogut long dispela, long wanem em i no save kisim sabskripsen bilong ol narapela nius. Nau mitupela i kisim sampela pinis, na ol i gutpela nius tru! Long nait mitupela i save sindaun wantaim na kaunim. Bihain, taim dispela sabskripsen i pinis, bai mipela i kisim gen!’

“Mipela stretim tok long kam bek taim man wantaim meri i stap long haus. Orait mipela i kamap long haus long dispela taim mipela i bin makim, na tupela i stap na i wetim mipela. Mipela kirapim Baibel-stadi long tupela. Glen i tok: ‘Dispela tupela nius i gutpela tru. Ol i helpim marit bilong mitupela. Mi save kam bek long haus long belo na mi save askim Beki, wanpela nius moa i kamap o nogat?’”

Yu tu yu ken kisim dispela tupela nuis bilong Baibel, em bai kam long atres bilong yu sapos yu raitim nem wantaim atres daunbilo hia na brukim dispela hap pepa na salim wantaim mani i go long Box 636, Boroko, Papua New Guinea.

Mi laik kisim Wastaua na Kirap! long olgeta mun inap wanpela yia. Mi putim olsem K3.60 long dispela pas.