Wanpela Nius i Helpim Em

“Mi tingting pinis long kilim i dai skin bilong mi yet nau long moningtaim.” Wanpela meri i telefon long wanpela gutpela pren bilong em na tokim em olsem. Em i tok, em i tingting long kalap long ka na draiv i go long bris na draivim ka i go olgeta insait long wara.

Dispela pren bilong em i tokim tupela Witnes Bilong Jehova long dispela samting taim ol i go long haus bilong em bilong autim tok. Dispela pren i stori moa long dispela samting i bin kamap na em i tok, em i bin askim dispela meri wanem samting i mekim na em i senisim tingting bilong em na em i no kilim i dai skin bilong em.

Dispela meri i bekim tok long em, olsem: “Mi redi na mi wokabaut i go long dua na mi laik lusim haus i go. Tasol taim mi kamap long dua mi lukim wanpela liklik nius i stap. Dispela nius i tok i gat wanpela Man i stap em i save tingim yumi na sori long yumi, em God.” Tok bilong dispela nius i helpim dispela meri na em i no mekim ol samting em i bin tingting long mekim. Em i no kilim i dai skin bilong em. Tasol husat i bin lusim dispela nius long haus bilong em?

Dispela meri i tok: “Wanpela Witnes Bilong Jehova i bin lusim dispela nius long haus bilong mi.” Dispela nius i helpim dispela meri na em i no i dai!