Ol “Stretpela” Pait—Tru Ol i “Stretpela”?
“Olgeta man i kirapim pait ol i ting dispela pait i stret.” Em Gwynne Dyer i tok olsem long wanpela nius (The Gazette) bilong Montreal, Kwibek, long Kanada. Long Namba Tu Pait Bilong Olgeta Hap, ol Natsi long Jemani i ting ol i mekim stretpela pait bilong kisim bek ol samting ol narapela lain i bin kisim long ol long taim bilong Namba Wan Pait. Tasol Dyer i tok: ‘Tru ol Natsi i gat rong na ol i bin mekim pasin nogut tru—na ol i gat bikpela strong na ol i bin bagarapim planti man—tasol yu ting ol birua bilong ol i mekim stretpela pait?’
Em i tok ol tu i no mekim stretpela pait. Em i tok, i no olsem bel bilong ol i gat tok long ‘ol pasin nogut ol Natsi i mekim long ol hap Hitler i bosim’ na ol i pait wantaim ol. Nogat. Long wanem planti samting nogut ol Natsi i mekim i kamap bihain long taim pait i kirap, olsem ol banis kalabus nogut. Ol i pait long wanem ol i laik kisim graun na bikpela strong bilong bosim ol man. Dyer i tok, dispela samting tasol i as bilong ol pait i bin kamap long bipo na long nau tu, olsem ol king o ol gavman i resis bilong kisim strong na ol i pait.
Yumi tingim dispela tok bilong Dyer na yumi tingim ol tok bilong Baibel i makim ol bikpela gavman i bin kamap long graun ol i olsem ol animal nogut. (Danyel sapta 7, 8; Revelesen sapta 13, 17) Olsem na i stret ol Kristen i no save insait long ol dispela pait! Ol i save, ol lain man i no mekim stretpela pasin na ol i pait—ol i laik kisim planti samting na ol i tingim skin bilong ol yet na ol i mekim.—Jon 17:16; 18:36.
This is a partial article of w84 11/15-E