Pasto i Lusim Tingting Long i Go Long Lotu

Dispela stori i kam long Kenya, long Afrika na em i helpim yumi long save buk Baibel Stori em i gutpela buk tru.

Wanpela pasto i bin baim wanpela buk Baibel Stori paslain long taim em i mas i go mekim lotu. Wantu em i kirap long kaunim na em i laikim tru. Em i kaunim i stap na em i lusim tingting long i go mekim lotu. Liklik taim bihain ol i salim tupela pasto moa i go long haus bilong dispela pasto, na ol i lukim dispela pasto i sindaun kaunim buk Baibel Stori i stap. Pasto i kirap tokim ol long ol gutpela tok i stap insait long dispela buk, olsem na dispela tupela man tu i laikim na ol i no i go bek long haus lotu.

Bihain sampela man moa i lusim haus lotu na i go long haus bilong dispela pasto, na ol i kirap nogut, long wanem pasto wantaim tupela narapela man hia ol i sindaun na wok long stori long ol tok bilong buk Baibel Stori. Wanem samting i kamap? Ol i no mekim lotu long dispela moning, tasol ol i sindaun na stori long ol tok bilong buk Baibel Stori. Planti ol i laik kisim wanpela buk bilong ol yet, olsem na ol i tokim wanpela Witnes Bilong Jehova long kisim sampela buk i kam long ol.

Dispela buk i gat 256 pes, na i gat ol gutpela piksa long en, na taim man i kaunim em inap kisim save long planti tok bilong Baibel. Yu inap kisim dispela buk. Raitim nem na atres bilong yu long hap pepa long han kais na salim wantaim K2.00 i kam.