Em i Kirap Nogut Long Pasin Bilong Man Bilong Em

Wanpela Witnes i wok long telefon long Teksas, em i tokim ol wanwok bilong em long kisim buk Baibel Stori Buk Bilong Mi. Em i opim buk na soim ol gutpela piksa na stori bilong dispela buk long ol na ol i kisim 50 buk. Wanpela meri i kisim wanpela buk na bihain samting i kamap olsem:

Meri i tok: “Mi hevi long mi bin tokim yu mi laik kisim dispela buk.” Witnes i tok: “Bilong wanem?”

Meri i tok: “Mi no save yu wanpela Witnes Bilong Jehova, na man bilong mi i no laik tru long ol Witnes.”

Witnes i tok: “Sori tru. Tasol olsem wanem? Ating gutpela sapos yu kisim buk i go long haus na soim long em na sapos em i no laikim, orait yu ken kisim i kam bek.” Em i tok: “Oke.”

Witnes i stori olsem: “Long tumora mi bungim em na em i tok, ‘Joan, mi amamas tru. Mi kisim dispela buk i go long haus na mi lusim long tebol na mi go long stua. Taim mi kam bek, man bilong mi i sindaun wantaim ol pikinini na kaunim sampela stori bilong dispela buk long ol. Em i tok, “Yu kisim we dispela buk?” Mi tokim em, “Mi kisim long wanpela Witnes Bilong Jehova.” Em i tok, “Em i gutpela buk tru. Lukim ol dispela piksa, na daunbilo ol i makim wanem hap bilong Baibel ol i bin kisim stori long en.””’

Mipela save yu tu bai amamas long dispela buk i gat planti gutpela piksa long en. I gat 116 stori i kamapim ol bikpela stori bilong Baibel. Pastaim buk i stori long ol samting i bin kamap long nambawan taim tru na i stori moa i kam i kam inap long ol samting i kamap bihain, olsem na yu inap save gut wanem samting i kamap pastaim na wanem samting i kamap bihain. I gat 256 pes long en. Sapos yu laik kisim, orait raitim nem na atres bilong yu long hap pepa daunbilo na salim i kam long mipela.

Plis salim dispela buk long mi, nem bilong en Baibel Stori Buk Bilong Mi. Mi putim olsem K2 i stap insait long pas.