‘Em i Helpim Mi na Nau Ol Man i Save Harim Tok Bilong Mi’

Wanpela man bilong Wes Afrika i tok olsem long buk Rot Bilong i Stap Amamas Taim Yu Yangpela Yet. Em i raitim pas na em i tok: “Planti taim mi save tokim famili olgeta i kam bung na mipela i toktok wantaim long sampela tok bilong dispela buk. Na sampela yangpela long hap bilong mipela tu i kam sindaun wantaim mipela na insait long dispela toktok. Dispela buk i helpim mi na nau olgeta yangpela manmeri long dispela hap i save harim tok bilong mi, na taim ol i gat hevi ol i save kam long mi bambai mi ken helpim ol long stretim.”

Dispela buk i gat 24 sapta na het-tok bilong sampela i olsem: “Taim Ol i Laik Stretim Yu, Yu Ting Em Gutpela?” “I Gutpela Sapos Yu Dring Wain o Bia Samting?” “Yu Laikim Wanem Kain Musik na Danis?” “Yu Ting i Gutpela long Tambuim Pamuk Samting?” “Olsem Wanem long Yangpela Man na Meri i Wokabaut Wantaim?” Sapos yu raitim nem na atres bilong yu long hap pepa daunbilo na salim i kam wantaim kontribusen olsem 80 toea tasol, yu ken kisim dispela gutpela buk em inap helpim yu long save long rot bilong i stap amamas.