Seten i Kamap Olsem Wanem?

Wanpela yangpela meri long Saut Dakota long Amerika i save wok haptaim long lukautim ol skulmanki long bas. Em i tok: “Bikpela hap wok bilong mi em i olsem: Mi mas pasim ol manki long sialet na mekim ol i stap isi.” Na em i stori moa olsem:

“Wanpela manki em i hambak tru. Maski em gat sikspela krismas tasol, tasol tok nogut bilong em i no pilai. Sampela taim mi mas holimpas dispela manki na pasim maus bilong em long han bilong mi. Em i save hambak tru, em kikim mi, na skrapim mi long kapa bilong pinga bilong em, na em save toknogut na bikmaus long mi. Long sampela de mi mas sindaun antap long em bilong pasim em long sia.

“Long Fraide em i hambak tru na mi hatwok na han bilong mi i pen pinis, na nau em i kirap askim mi: ‘Bilong wanem God i bin wokim Seten?’ Buk Baibel Stori Buk Bilong Mi i stap long bas, olsem na mi tokim em olsem dispela buk inap helpim em long dispela askim bilong em. Ating bai yu kirap nogut, long wanem mitupela i kaunim 41 stori pinis. Klostu mi les pinis long dispela manki, tasol nau pasin bilong em i senis olgeta. Nau em i no laik lusim bas na go long skul, em i laik stap na kaunim sampela stori moa!”

Dispela gutpela buk i bin helpim planti narapela pikinini tu long senisim pasin bilong ol. Sapos yu raitim nem na atres bilong yu long hap pepa i stap daunbilo na salim i kam, yu ken kisim dispela gutpela buk i gat 256 pes, na ol piksa i gat gutpela kala, na rait bilong en em bikpela.

Plis salim dispela buk i kam em i gat strongpela skin long en, nem bilong en Baibel Stori Buk Bilong Mi. Mi putim olsem K2.00 i stap insait long dispela pas.

This is article is repeated in w90 3/1, 6/1, 9/1.