Satan i Kamap Olsem Wanem?

Wanpela yangpela meri long Saut Dakota long Amerika i save wok haptaim long lukautim ol skulmanki long bas. Em i tok: “Bikpela hap wok bilong mi em i olsem: Mi mas pasim ol manki long sialet na mekim ol i stap isi.” Na em i stori moa olsem:

“Wanpela manki em i hambak tru. Maski em i gat 6-pela krismas tasol, tasol tok nogut bilong em i no pilai. Sampela taim mi mas holimpas dispela manki na pasim maus bilong em long han bilong mi. Em i save hambak tru, em i kikim mipela, na skrapim mipela long kapa bilong pinga bilong em, na em i save tok nogut na bikmaus long mipela. Long sampela de mi mas sindaun antap long em bilong pasim em long sia.

“Long Fraide em i bikhet tru na mi hatwok na han bilong mi i pen pinis, na nau em i kirap askim mi: ‘Bilong wanem God i bin wokim Satan?’ Buk Baibel Stori Buk Bilong Mi i stap long bas, olsem na mi tokim em olsem dispela buk inap helpim em long dispela askim bilong em. Ating bai yu kirap nogut, long wanem mitupela i kaunim 41 stori pinis. Klostu mi les pinis long dispela manki, tasol nau pasin bilong em i senis olgeta. Nau em i no laik lusim bas na go long skul, em i laik stap na kaunim sampela stori moa!”

Dispela gutpela buk i bin helpim planti narapela pikinini tu long senisim pasin bilong ol. Dispela buk i gat 256 pes, na ol piksa i gat gutpela kala, na rait bilong en i bikpela. Sapos yu laik kisim wanpela, raitim nem na atres bilong yu long hap pepa daunbilo na salim i kam na bai ol i toksave long yu long rot bilong kisim.

Mi laik kisim dispela buk Baibel Stori Buk Bilong Mi.

This is a repeat article from w89 8/1 taken from w-E 89 2/1 “Where the Devil Came From”. Also repeated in w90 3/1, 6/1.