Taim Bubu Bilong Em i Dai

Long yia i go pinis wanpela mama long hap bilong Vejinia, long Amerika, em i raitim wanpela pas na em i tok: “Long mun i go pinis, papa bilong mi i dai. Em i save stap longwe long mipela, tasol laspela pikinini man bilong mi i save poroman gut wantaim bubu bilong em. Taim mi tokim em olsem bubu bilong em i dai pinis, em i bel hevi na em i kirap long krai nogut tru.

“Kwiktaim mi wok long painim dispela liklik nius, nem bilong en I Gat Gutpela Samting Bai Painim Ol Man i Dai Pinis? Taim mi painim pinis, mi wok long kaunim ol tok bilong en long pikinini. Taim mi kaunim pinis, em i stap bel isi. Mi laik tok tenkyu tru long ol gutpela tok bilong dispela nius​—⁠tok bilong en i helpim tru mi long dispela taim bilong hevi.”

Sapos yu laik kisim dispela liklik nius wantaim sampela liklik nius moa, raitim nem na atres bilong yu long hap pepa i stap daunbilo na salim i kam.

Mi laik kisim dispela liklik nius nem bilong en I Gat Gutpela Samting Bai Painim Ol Man i Dai Pinis?