‘Em i Helpim Ol Pikinini Meri Bilong Mipela Long Pas Gut’

Long yia 1988 wanpela tisa long Murewa, long kantri Simbabwe, em i bin raitim pas long brens-ofis bilong Sosaiti Was Taua na em i tok wanpela buk, nem bilong en Baibel Stori Buk Bilong Mi, em i bin helpim ol pikinini meri bilong em olsem. Em i bin kisim dispela buk long wanpela wanwok bilong em na em i tok:

“Dispela man i stori long mi long gutpela rot bilong mekim wok long dispela buk bilong helpim gut ol pikinini. Mi bihainim tok bilong em. Pastaim mi mekim wantaim liklik pikinini meri bilong mi, em i gat 8-pela krismas, na bihain mi mekim wantaim tupela narapela pikinini meri bilong mi, tupela i gat 16 na 18 krismas na tupela i go long haiskul. Mi amamas long tokim yupela, dispela i bin helpim gut tripela pikinini wantaim, na mi amamas long dispela samting. Mi lukim pasin bilong ol i wok long senis na i kamap gutpela.” Na dispela mama i tok: “Dispela buk i helpim ol pikinini meri bilong mipela long pas gut wantaim mipela papamama bilong ol, winim long bipo.”

Dispela buk i gat 256 pes i bikpela inap olsem ol pes bilong dispela nius. Sapos yu laik kisim wanpela, orait raitim nem na atres bilong yu long hap pepa daunbilo na salim i kam. Buk i kamapim 116 stori bilong Baibel na i helpim man i kaunim long save long ol tok bilong Baibel. Pastaim buk i stori long ol samting i bin kamap long namba wan taim tru na i stori moa i kam i kam inap long ol samting i kamap bihain, olsem na bai yu inap save gut wanem samting i kamap pastaim na wanem samting i kamap bihain. Dispela buk i gat ol gutpela piksa long en na bikpela rait.

Mi laik kisim dispela buk i gat strongpela skin, nem bilong en Baibel Stori Buk Bilong Mi.

This is a repeat of article in w90 7/1 taken from w-E 89 12/1 “Helped Our Daughters to Be Closer.”