Yu Laik Bai Wanpela i Kam Lukim Yu?

Long yia i go pinis wanpela meri bilong Kopas Kristi, long Teksas, long Amerika, em i raitim pas i go long Sosaiti Wastaua long Bruklin, Nu Yok, na em i tok: “Nem bilong mi Emily. Sampela wik bipo ol Witnes Bilong Jehova i bin givim sampela nius long mi, na mi bin wok long skelim gut ol tok bilong en. Taim mi kaunim ol dispela nius na skelim wantaim Baibel bilong mi, mi save olsem ol tok em lotu Katolik i lainim ol man long en i no i stap long Baibel. Ol i no save kolim nem bilong God, na ol i no save stori long Kingdom bilong God i laik kamap. Tasol nau mi kisim save olsem ol dispela tok i bikpela tok long Baibel bilong mi. Nau mi no save go moa long haus lotu bilong lain bilong mi. Mi wok long stadi long tok bilong Baibel. Ol tok i tru long ol buk na nius bilong yupela i bin helpim mi long mekim olsem.

“Mi laik bung wantaim wanpela kongrigesen bilong ol Witnes Bilong Jehova long hap bilong mi. Plis tokim ol long i kam long haus bilong mi bambai mipela i ken toktok wantaim.”

Wanpela Witnes Bilong Jehova i laik i kam lukim yu tu na helpim yu long kisim sampela save moa long God na Kingdom bilong em na ol samting God i laik mekim, olsem Baibel i kolim. Sapos yu laik bai wanpela Witnes i helpim yu olsem, orait raitim nem na atres bilong yu long hap pepa daunbilo na salim i kam long atres i stap daunbilo.

Mi laik kisim sampela save moa long ol tok bilong Baibel. Plis tokim wanpela long i kam lukim mi.