Wanpela Nait Bilong Tingim

LONG wanpela bikpela de inap 3,500 yia bipo, God Jehova i tokim ol Israel i kalabus long Isip long kilim yangpela sipsip na penim blut bilong en long tupela pos bilong dua bilong haus. Long dispela nait yet, ensel bilong God i abrusim olgeta haus i gat dispela blut long en, tasol em i kilim i dai olgeta namba wan pikinini bilong ol Isip. Bihain ol Israel i lusim Isip. Ol i makim dispela de bilong tingim long olgeta yia; ol i kolim Pasova.

Krais Jisas i mekim laspela Pasova wantaim ol aposel, na wantu em i kirapim kaikai bilong tingim em i dai olsem ofa. Em i givim bret long ol na em i tok: “Yupela kisim na kaikai. Dispela em i bodi bilong mi.” Na em i givim kap wain na em i tok: “Yupela olgeta dring long dispela. Dispela em i blut bilong mi bilong mekim kontrak. Mi kapsaitim bilong tekewe sin bilong planti manmeri.” Na Jisas i tok tu: “Yupela i mas mekim olsem bilong tingim mi.” (Matyu 26:​26-28; Luk 22:​19, 20) Jisas i tok, ol man i bihainim em, ol i mas mekim dispela bung bilong tingim i dai bilong em.

Ol Witnes Bilong Jehova i laik singautim yu i kam bung wantaim ol long taim bilong tingim i dai bilong Jisas. Yu ken bung wantaim ol long Haus Kingdom long hap bilong yu. Askim ol long taim stret na ples stret bilong bung. Long 1994, de bilong mekim dispela bung em Sarere, Mas 26. Taim bilong givim bret na wain em taim san i go daun pinis.