Ol i Insait Long Lain Brata i Stap Wanbel

Long Ogas 7, 1993, long Ripabliken Stediam long Kiev, Yukren, inap 64,000 manmeri i wetim wanpela samting i laik kamap. Bihain long tupela askim planti tausen i bin singaut “Da!” (“Yesa!”) Taim ol i mekim olsem ol dispela manmeri i tokaut long ai bilong ol man olsem ol i bilip long God Jehova. Bihain ol i baptais long 6-pela tang wara bilong makim ol i dediket long Em.​—⁠Matyu 28:19.

Olsem na long namba 3 de bilong “God i Skulim Yumi” Kibung Intenesenel bilong ol Witnes Bilong Jehova, ol man i lukim wanpela bikpela samting tru, olsem: 7,402 i bin kisim baptais na ol i no kam insait long wanpela lotu i bruk, nogat; ol i kam insait long wanpela kongrigesen Kristen i stap long olgeta hap na ol i stap wanbel.

Sapos yu laik kisim sampela save moa long pasin wanbel bilong ol Kristen, raitim pas long IBSA, Box 636, Boroko, N.C.D., Papua New Guinea, o lukim atres long pes 2 em i stret long yu.