Olsem Wanem Long i Stap Bilong Ol Yangpela Long Bihain?

OL SAMTING nogut bilong nuklia i stap yet, maski em ol bom nogut bilong lain paitman o bagarap i kamap long haus nuklia. Olsem na ating yu tingting planti na bel bilong yu i pret long ol samting inap painim ol yangpela, olsem pikinini bilong yu o ol bubu bilong yu. Ol samting nogut bilong nuklia inap bagarapim skin bilong pikinini na i stap bilong em long bihain, olsem na yumi bel hevi long dispela.

Tasol yu no ken tingting planti. I gat gutpela as na yu ken amamas long i stap bilong ol yangpela long bihain. As bilong dispela samting yumi wetim i no stap long han bilong wanpela man, nogat; em i stap long han bilong Man i bin wokim yumi.

Taim Pikinini bilong God, Jisas, i bin skulim ol man long hap bilong Midel-Is, em i bin tingim ol yangpela. (Mak 9:​36, 37, 42; 10:​13-16) Na Baibel i tok, God tu bai tingim ol yangpela taim em i pinisim ol samting nogut bilong nuklia na kamapim Paradais long olgeta hap bilong graun. Ol yangpela, na yumi tu, inap amamas long dispela taim.

Sapos yu laik kisim sampela save moa, o yu laik bai wanpela i kam lukim yu long haus na lainim yu long ol tok bilong Baibel, no gat pe, orait raitim pas long IBSA, Box 636, Boroko, N.C.D., Papua New Guinea, o lukim atres long pes 2 em i stret long yu.