Helpim Ol Lain i No Gat Asua na Ol i Kisim Nogut
WANPELA pasin nogut tru ol man i bin mekim em olsem: Ol i kilim i dai ol liklik pikinini olsem ofa. Sampela man i no bilip olsem ol man i bin mekim dispela pasin. Tasol ol saveman i painim pinis planti samting bilong bipo i kamapim klia olsem ol Fonisia i bin mekim dispela pasin olsem hap wok lotu bilong ol.
Ol i bin kisim ol pikinini bilong ol lain hetman na kukim ol long paia olsem ofa bilong ol god giaman, olsem Tanit na Bal-Hamon. Long taun Kates ol i bin kukim ol pikinini olsem ofa bilong piksa bilong god Kronas ol i bin wokim long ain bras. Wanpela man bilong raitim stori bilong bipo em i stap long taim bilong ol aposel, nem bilong em Diodorus, na em i tok ol i no larim ol famili bilong ol pikinini i krai long ol. Ating ol i ting kain aiwara olsem bai mekim ofa i no gutpela tumas.
Inap liklik taim ol man i save mekim wankain pasin bilong lotu long olpela ples Tofet, klostu long Jerusalem. Ol manmeri i mekim lotu ol i save danis na paitim strong ol liklik kundu bambai ol i no inap harim krai na singaut bilong pikinini taim ol i tromoi em long paia long bel bilong god Molek.—Jeremaia 7:31.
Jehova i save belhat tru long ol man i no save sori na ol i pasim yau long singaut bilong man i gat bikpela pen. (Sindaun 21:13.) Jehova em i God bilong sori long ol pikinini na yumi ken save, taim em i “kirapim bek ol man i dai pinis, em ol stretpela man na ol man nogut wantaim,” em bai kirapim tu ol dispela pikinini i no gat asua na ol i bin kisim nogut.—Aposel 24:15; Kisim Bek 22:22-24.
This article is repeated in w96 6/1.