Em i Litimapim Wanpela Kibung i “Narapela Kain Tru”
WANPELA man i save toktok long redio long Lima, Peru, em i no laikim tumas ol Witnes Bilong Jehova. Tasol taim em i go long wanpela kibung distrik bilong ol, nau tingting bilong em i senis tru. Tru tumas, em i amamas tru long dispela kibung na dispela i kirapim em long mekim sampela gutpela tok long ol Witnes long redio. Ol tok i stap daunbilo em sampela hap bilong ol tok em i bin kamapim:
“Dispela kibung i narapela kain tru. I no gat wanpela pepa long plua na i no gat ol man bilong salim ol samting. Ol ka i no paspas tumas. Inap olsem 5,200 manmeri i lusim mani bilong ol yet long i go long stediam, na olgeta wan wan i karim baket, laplap, brum bilong rausim das, daspen, brum, bras, ol glav, na ol marasin bilong wasim na skrapim dispela ples. Ol i penim ol hap i bagarap na i gat wok long penim. Ol i kisim mani we long mekim dispela wok? Ol yet i givim dispela mani! Taim ol i toksave long sampela samting ol i mas stretim, kwiktaim olgeta i givim mani. Mi tokim yupela, Misin Katolik i no save tingim kain samting olsem. Mi laik tok amamas long ol Witnes Bilong Jehova na ol man i bosim dispela bung. Mi laik kamapim tru bel bilong mi na tokim ol olsem, God i ken helpim yupela na blesim yupela.”
Long planti taun long olgeta hap bilong graun, ol Witnes Bilong Jehova bai amamas long mekim “Bihainim Rot God i Makim” Kibung Distrik long dispela yia. Bai yu kam long dispela kibung?
[Rait long pes 32]
“I no gat wanpela pepa long plua”