Plis Bung Wantaim Mipela Long Wanpela Bikpela Bung Long Sarere, Epril 11, 1998
OL WITNES BILONG JEHOVA i amamas long singautim yu long i kam bung wantaim ol bilong tingim presen God i givim, em Pikinini bilong em, Krais Jisas. Dispela presen i opim rot long ol manmeri long kisim laip i stap oltaim.—Jon 3:16.
Long dispela yia bung bilong tingim indai bilong Jisas bai kamap long taim san i go daun pinis long Sarere, Epril 11. Dispela de i olsem Nisan 14 long kalenda bilong Baibel. Plis askim ol Witnes Bilong Jehova long hap bilong yu long wanem ples stret na taim ol bai bung long en.
Yu save long ol dispela samting i bin kamap long ol laspela de bilong Jisas long graun?