Wanpela De Bilong Tingim

Long nait paslain long em i dai, Jisas i givim bret i no gat yis long en na wanpela kap wain long ol aposel bilong em na em i tokim ol long kaikai na dring. Na tu, em i tokim ol olsem: “Yupela i mas mekim olsem bilong tingim mi.”​—⁠Luk 22:⁠19.

Long dispela yia, de bilong tingim dispela bung bai kamap long Fonde, Epril 1, long taim san i go daun pinis. Ol Witnes Bilong Jehova long olgeta hap bilong graun bai bung long dispela bikpela nait, bilong tingim dispela samting wankain olsem Jisas i bin tok long ol i mas mekim. Mipela i amamas long singautim yu i kam long bung wantaim mipela. Plis askim ol Witnes Bilong Jehova long hap bilong yu long wanem taim na ples stret ol bai mekim dispela bung.