“Mi Go Lukim Haus Kingdom”

Laura,a em wanpela sumatin bilong bikpela skul koles, em i kisim wok bilong go long wanpela lotu na raitim stori bilong ol samting em i lukim. Em i makim ol Witnes Bilong Jehova, na em i kolim nem bilong stori olsem “Mi Go Lukim Haus Kingdom.” Orait Laura i lukim wanem samting bilong ol Witnes Bilong Jehova i narapela kain long ol narapela lotu? Em i kolim planti samting, na sampela bilong ol i olsem:

Ol pikinini: “Olgeta pikinini i stap long rum em ol bikpela manmeri i stap long en. Long olgeta lotu mi bin go long en, ol pikinini i save lusim papamama na ol i mas i go long Sande-skul.”

Kain kain skin, tasol ol i stap wanbel: “Pasin bilong ol lotu, ol i save pulim ol manmeri bilong wanpela kain skin o lain i kam insait. . . . Tasol olgeta Witnes Bilong Jehova ol i sindaun wantaim, na ol i no sindaun wantaim ol wantok tasol, nogat.”

Ol i save tok amamas long ol man i kam: “Planti manmeri ol i kam toktok wantaim mi. . . . Sampela i askim mi olsem i gat wanpela i save stadi wantaim mi long Baibel o nogat. Tasol maski ol i askim mi olsem, mi no pilim olsem ol i laik subim mi long stadi. Ol . . . i larim mi yet i tingim samting mi laik mekim.”

Ol i no singaut long mani: “Mi kirap nogut, long wanem, i no gat wanpela i singaut long ofa. Ol lotu mi bin go long en ol i bin kisim ol ofa long klas bilong ol pikinini tu.”

Long olgeta hap bilong graun i gat klostu olsem 90,000 kongrigesen bilong ol Witnes Bilong Jehova. Yu ken i go lukim wanpela kongrigesen bilong ol i stap klostu long yu. Yu laik mekim olsem?

[Futnot]