Em i Putim Gen Ring Long Pinga Bilong Ol

“LUKIM ol pinga bilong mi. Yu lukim wanpela samting i narapela kain?” Wanpela man i soim han bilong em long wanpela meri, em wanpela Witnes Bilong Jehova, na meri i lukluk long han bilong man na wantu em i lukim olsem ring bilong marit bilong dispela man i no stap. Dispela man i tok olsem em na meri bilong em ol i no stap gut wantaim, olsem na ol i laik katim marit. Witnes i tok: “Nogat! Kisim dispela buk na kaunim. Em bai helpim yu long marit bilong yu.” Em i tok olsem na em i givim buk Save i Bringim Man Long Laip Oltaima long em, em Baibel i as bilong dispela buk.

Sampela de bihain dispela man i kam bek lukim Witnes na em i amamas tru. Em i soim han bilong em long Witnes. Nau em i putim ring bilong marit long pinga bilong em. Em i tokim Witnes olsem em na meri bilong em ol i kaunim buk Save, na nau ol i amamas tru. Ol tok bilong dispela buk i putim gen ring long pinga bilong tupela.

Ol tok bilong Baibel bilong stretim man em inap helpim man na meri marit long kamapim olsem narapela i laikim tru narapela. Em inap mekim olsem, long wanem, Man i bin kamapim Baibel em Man bilong wokim yumi, na em i tok: “Mi God, Bikpela bilong yupela. Oltaim mi save skulim yupela na soim yupela long ol stretpela pasin yupela i mas bihainim na bai yupela i stap gut.”​—⁠Aisaia 48:⁠17.

[Futnot]