‘Tenkyu Ol Witnes Bilong Jehova Long Man i Stap Fri Long Lotu’
WANPELA stori long nius USA Today i tok: “Paslain long yu tok nogat long ol Witnes Bilong Jehova taim ol i kam long haus bilong yu, lusim liklik hap taim bilong tingim pasin nogut ol man i bin mekim long ol long sampela yia i go pinis, na bikpela wok tru ol i bin mekim bilong helpim gavman long stretim gut ol lo i bilong helpim olgeta man long stap fri long mekim ol samting.” Ol man i birua long ol Witnes kirap long 1940 i go inap long 1950, long wanem, ol i no laikim sampela bilip bilong ol, olsem pasin bilong ol long ol i no laik salut long plak.—Kisim Bek 20:4, 5.
Namel long 1938 na 1943, Sprim Kot bilong Amerika i harim 30 narapela narapela kot bilong ol Witnes. Nius i tok: “Planti taim ol Witnes i kirapim bikpela toktok long sampela lo bilong gavman, olsem na Jas Harlan Fiske Stone i tok, ‘I gutpela sapos oganaisesen bilong ol Witnes Bilong Jehova i kisim sampela pe samting long gutpela wok ol i bin mekim bilong helpim gavman long stretim gut ol lo i bosim pasin bilong ol man long stap fri long ol samting.’ ”
Olsem na laspela hap bilong dispela stori i tok: “Olgeta lotu i gat wok long tok tenkyu long ol Witnes Bilong Jehova long wok ol i bin mekim bilong helpim ol lotu long stap fri moa.”
[Ol Piksa Kredit Lain long pes 32]
Background, building: Photo by Josh Mathes, Collection of the Supreme Court of the United States; lower left, justices: Collection of the Supreme Court of the United States